Bókmenntahátíð í Reykjavík I The Reykjavík International Literary Festival

Teymi 2017

Stella

 Stella Soffía Jóhannesdóttir er framkvæmdastjóri Bókmenntahátíðar í Reykjavík og hefur stýrt hátíðinni síðan árið 2009. Hún sér um daglegan rekstur, áætlanagerð og skipulag og er tengiliður hátíðarinnar við aðrar hátíðar, stofnanir og samstarfsaðila.

 

20160813-DSC_1160

Meg Matich er bandarískt ljóðskáld og þýðandi og Fulbright-styrkþegi sem býr í Reykjavík. Þýðingar hennar hafa meðal annars birst í PEN America, Exchanges, Words Without Borders, Asymptote, The Best Icelandic Short Stories, Aarhus, og Gulf Coast. Fyrir Cold Moons, þýðingu sína á ljóðabók Magnúsar Sigurðssonar Tími kaldra mána, hlaut hún PEN/Heim-verðlaunin árið 2016, en bókin kom út á vegum Phoneme Media í janúar 2017. Þá hefur hún einnig hlotið  verðlaun og styrki frá DAAD, the Banff Centre, Miðstöð íslenskra bókmennta, og Columbia University.

 

KST

Kristín Svava Tómasdóttir (f. 1985) hefur gefið út þrjár ljóðabækur, Blótgælur (2007), Skrælingjasýninguna (2011) og Stormviðvörun (2015), en sú síðastnefnda er væntanleg í enskri þýðingu. Hún lauk MA-prófi í sagnfræði frá Háskóla Íslands árið 2014 og vinnur nú að bók upp úr meistararitgerð sinni um sögu kláms á Íslandi. Kristín Svava hefur jafnframt stundað þýðingar úr ensku, spænsku og portúgölsku.

12814247_10153510905999779_3938358918935717295_n


Halla Oddný Magnúsdóttir
 (f. 1987) hefur undanfarin ár starfað við gerð útvarps- og sjónvarpsþátta um bókmenntir, tónlist og vísindi fyrir Ríkisútvarpið, auk pistlaskrifa og fréttamennsku. Hún er nú annar umsjónarmanna Menningarinnar í fréttaskýringaþættinum Kastljósi. Halla lauk BA-prófi í mannvísindum (e. Human Sciences) frá Oxfordháskóla 2011.

 

 

*Haldin dagana 6.-9. september 2017

upptökur_2015